19/7/17

La llingua llïonesa en CYLTV na programa "CYL a esame (2017.07.12): Somos idiomas"

Deixámosvos darréu'l vídiu la programa qu'apaez nel títulu cuna denuncia la parcialidá cuna que tá feicha y sobru tóu las inesautitudes de dalgunos los participantes qu'ensín dulbia dala nun se deben a inorancia sinon al deseyu la Xunta de facer esapaecere lu llïonés y deixailu cumu dalgu aneudóticu peru siempres dientru "lu castiellán". Y toas esas presonas que falan dende istituciones públicas tienen la cousa mui nidia "Nun van mordere la manu que yes da de xantare". Braeiramente penosu!!!

A más d'eillu annedire que curtionun tolu que la nuesa Ayalgeira dixera respeutu al llïonés en Salamanca, a las clases de llingua llïonesa que nel pasáu muerganizara'l Conceyu la ciudá de Llión, asina cumu la Diputación en deillos llugares la provincia y, sobru tóu, que si bien la nota que daba a la diversidá llinguística (na que nun tien un res de vere la Xunta) yera 10, la nota a la política llinguística desendolcada pula Xunta yera, cumu másimu, de DOUS!!!

Camentamos que falta dalguna cousina más peru cun esas amuesas tá bien nidia la parcialidá la programa peru lu que ye "pa nota", ensín dulbia dala, ye falare del pertués ou del pakistaní, cumu "llinguas de la comunidá" purque, gracias al pasáu mineiru llïonés, xentes de Cabu Verde y Pakistan vinun a trabayare ente nosoutros, xentes a las que yes facilitonun mayestros na sua llingua pa los sous fiyos al tiempu que nnegaban y sigen nnegandu a los nuesos el deprendizax del llïonés. Ensín pallabras!!!

La entrevención la nuesa Ayalgeira, alcuéntrase ente los minutos 26:55 y 30:30 y a la fin ente los minutos 46:07 y 46:18.



No hay comentarios:

Publicar un comentario